• ການປົກຄອງ ແລະ ປະຊາທິປະໄຕ
  • ການພັດທະນາຊົນນະບົດ
  • ການພັດທະນາພື້ນຖານໂຄງລ່າງທີ່ຍືນຍົງ
  • ການປົກຄອງ ແລະ ປະຊາທິປະໄຕ
  • ສະພາບແວດລ້ອມ ແລະ ການປ່ຽນແປງດິນຟ້າອາກາດ
  • ການພັດທະນາເສດຖະກິດ ແລະ ບຸກຄະລະກອນ

ປະເທດ ລາວ

ພະນັກງານທ້ອງຖິ່ນ

ພະນັກງານລາວ 187 ທ່ານ
ພະນັກງານຕ່າງປະເທດ 28 ທ່ານ
ຊ່ຽວຊານ 4 ທ່ານ
ນັກພັດທະນາ 3 ທ່ານ

(ວັນທີ 31.12.2023)

The Deutsche Gesellschaft für Internationale Zusammenarbeit (GIZ) GmbH ເລີ່ມເຄື່ອນໄຫວວຽກງານ ໃນປະເທດລາວ (ສາທາລະນະລັດ ປະຊາທິປະໄຕ ປະຊາຊົນລາວ) ໃນນາມຕາງໜ້າ ລັດຖະບານເຢຍລະມັນ ນັບຕັ້ງແຕ່ປີ ຄສ 1993.

ຂໍ້ມູນໂຄງການ ປະເທດ ລາວ

ເຖິງແມ່ນວ່າ ປະເທດລາວຈະມີການຈະເລີນເຕີບໂຕ ທາງດ້ານເສດຖະກິດ ທີ່ເຂັ້ມແຂງ ແລະ ຍັງຄົງມີລາຍຮັບທີ່ເພີ່ມຂຶ້ນໃນປີທີ່ຜ່ານມາ, ແຕ່ປະເທດລາວຍັງນອນຢູ່ໃນກຸ່ມປະເທດດ້ອຍພັດທະນາ (LDCs). ປັດໃຈໜຶ່ງແມ່ນເນື່ອງມາຈາກເສດຖະກິດຂອງປະເທດລາວຍັງບໍ່ມີຄວາມຫຼາກຫຼາຍ, ເຊິ່ງສຸມໃສ່ພຽງແຕ່ຂະແໜງການສົ່ງອອກພະລັງງານ ແລະ ບໍ່ແຮ່. ຂະແໜງການເຫຼົ່ານີ້ເປັນພຽງສ່ວນໜຶ່ງທີ່ສ້າງວຽກເຮັດງານທໍາ: ປະຊາກອນປະມານ 3 ໃນ 4 ແມ່ນປະກອບອາຊີບກະສິກຳ: ຫລາຍກວ່າ 18 % ຍັງດໍາລົງຊີວິດຕໍ່າກວ່າເສັ້ນຄວາມທຸກຍາກ, ເຊິ່ງປະຊາກອນຢູ່ເຂດຊົນນະບົດ ແມ່ນໄດ້ຮັບຜົນກະທົບຫຼາຍທີ່ສຸດ. ຄວາມຕ້ອງການທີ່ດິນເພື່ອພັດທະນາພື້ນຖານໂຄງລ່າງ ແລະ ທຸລະກິດກະສິກຳຂະໜາດໃຫຍ່ ສ້າງຄວາມສ່ຽງທີ່ຈະສູນເສຍການເຂົ້າເຖິງ ທີ່ດີນດ້ານກະສິກຳ ແລະ ຊັບພະຍາກອນທຳມະຊາດອື່ນໆ, ການຈ້າງງານໃນຂົງເຂດຊົນນະບົດ ທີ່ນອກເໜືອຈາກການປູກຝັງກໍຍັງມີໜ້ອຍ. ລາວ​ຍັງ​ຕ້ອງ​ປັບປຸງ​ລະດັບ​ການ​ຝຶກ​ອົບຮົມໃນຂັ້ນວິຊາການ ​ແລະ ​ໃຫ້​ພາກ​ເອກະ​ຊົນ ​ມີສ່ວນ​ຮ່ວມ​ໃນ​ການ​ພັດທະນາ​ເສດຖະກິດ ​ແລະ ສັງຄົມ​ຂອງ​ປະ​ເທດ​ຕື່ມ​ອີກ. ​ໃນ​ຖານະ​ທີ່​ເປັນ​ສະມາຊິກ​ຂອງ​ອົງການ​ການ​ຄ້າ​ໂລກ (WTO) ​ແລະ ປະຊາ​ຄົມ​ເສດຖະກິດ​ອາ​ຊຽນ (AEC), ລັດຖະບານລາວ ມີຫຼາຍຊ່ອງທາງເພື່ອບັນລຸເປົ້າໝາຍການຫຼຸດພົ້ນອອກຈາກ ສະຖານະພາບປະເທດດ້ອຍພັດທະນາພາຍໃນປີ 2024.

ການເຄື່ອນໄຫວວຽກງານຂອງ GIZ ໃນປະເທດລາວ ແມ່ນໃນນາມຕາງໜ້າໃຫ້ແກ່ ກະຊວງການຮ່ວມມືດ້ານເສດຖະກິດ ແລະ ການພັດທະນາ ເຢຍລະມັນ (BMZ) ແລະ ໄດ້ສຸມໃສ່ 2 ຂົງເຂດບູລິມະສິດຄື:

  • ການພັດທະນາຊົນນະບົດ
  • ການພັດທະນາເສດຖະກິດແບບຍືນຍົງ

GIZ ໄດ້ສະໜັບສະໜູນລັດຖະບານລາວ ໃນການພັດທະນາລະບຽບ ແລະ ກົດໝາຍທີ່ກ່ຽວຂ້ອງກັບນະໂຍບາຍທີ່ດິນ ແລະ ສິດທິທີ່ດິນ. ສິດທິໃນການນຳໃຊ້ທີ່ດິນໃນເຂດຊົນນະບົດຊ່ວຍໃຫ້ປະຊາຊົນປັບປຸງສະຖານະ ດ້ານກົດໝາຍ ແລະ ເສດຖະກິດ ຂອງເຂົາເຈົ້າ. ນອກຈາກນີ້ GIZ ຍັງໄດ້ໃຫ້ຄຳແນະນຳລັດຖະບານ ກ່ຽວກັບປ່າໄມ້ແບບຍືນຍົງ ແລະ ການຄຸ້ມຄອງເຂດປ່າສະຫງວນທີ່ມີປະສິດທິຜົນ ​ເພື່ອ​ແນ​ໃສ່ການ​ສະກັດ​ກັ້ນ​ການ​ຕັດ​ໄມ້​ທຳລາຍ​ປ່າ ​ແລະ ການ​ສູນ​ເສຍ​ຊີວະ​ນາໆ​ພັນ ​ແລະ ຊຸກຍູ້​ການ​ປະຕິບັດ​ກົນ​ໄກ​ຫຼຸດຜ່ອນ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ​ໂລກ.

ເພື່ອຊ່ວຍໃຫ້ ເສດຖະກິດມີການຂະຫຍາຍໂຕແບບຍືນຍົງ, GIZ ໄດ້ສະໜັບສະໜູນປະເທດລາວ ໃນຂົງເຂດການຝຶກອົບຮົມວິຊາຊີບ ໂດຍອີງຕາມຄວາມຕ້ອງການຂອງຕະຫຼາດແຮງງານ. ໃນຂົງເຂດການເງິນ ພວກເຮົາຊ່ວຍແນະນຳແນວທາງການອຳນວຍຄວາມສະດວກໃນການ ເຂົ້າ​ເຖິງ​ເງິນ​ກູ້​ ແລະ ​ການ​ບໍລິການ​ດ້ານ​ການ​ເງິນ​ອື່ນໆ, ເສີມສ້າງ​ຄວາມ​ເຂັ້ມ​ແຂງ​ໃຫ້​ແກ່ບັນດາ​ສະ​ຖາ​ບັນ, ພັດທະນາຮ່າງກົດໝາຍ, ປັບປຸງ​ຄວາມ​ຮູ້​ດ້ານ​ການ​ເງິນ​ໃຫ້ແກ່ ​ແມ່ຍິງ ​ແລະ ຜູ້​ຊາຍ​ ຢູ່​ເຂດ​ຊົນນະບົດ.         

GIZ ຍັງໄດ້ສະໜັບສະໜູນໂຄງການທີ່ມີການຮ່ວມທຶນກັບ ສະຫະພາບເອີຣົບ ແລະ ສະວິດເຊີແລນ ທີ່ສົ່ງເສີມການປົກຄອງທີ່ດີ, ລະບຽບກົດໝາຍ ແລະ ອົງການຈັດຕັ້ງທາງສັງຄົມ. ນອກຈາກນີ້ GIZ ໄດ້ໃຫ້ການສະໜັບສະໜູນວຽກງານຂອງ ຄະນະກໍາມາທິການແມ່ນ້ຳຂອງສາກົນ (MRC) ໃນການການຄຸ້ມຄອງແມ່ນໍ້າຂ້າມຊາຍແດນ.

ດາວໂຫຼດຂໍ້ມູນ

ບັນດາໂຄງການ ແລະ ແຜນງານ